2009/08/24

موضوع داش عرض


السلام عليكـم ورحمـة الله




اليوم طـق أبالـي موضوع , معنـى المفروض موقتـه هالموضوع لأنه احنا بشهر فضيل
وأي موضوع من هالمواضيع المفروض أني أطردها من بالـي
بس الشيطان يخلينا out of control ويشتت مخي بعض المرات الله يطقع بليسه
ويخليني أسرح وأمرح بالتفكيـر


موضوعي شوي عبيط وشوي غبي


العـرس شي مُقدّس عندنـا بالخليـج ,ومافـي مانـع من هالشي ولابد منه
ومن حـق الكـل يفرح بزواج عياله
المشكلـه ألحيـن مو بفكـرة العـرس المشكلـه بألي يصير داخل العرس !!



ألحيـن بالــ عرووس والحفلات ليش الواحد يرقص بروحه جنه عبيط ؟
ليش مانرقص مثل الأجانب couples أثنين أثين مع بعض ,حريم وحريم أكيد
بس أمانه يعني شكلنا مو عبيط .. وأحنا ندق سلف ونرقص سيده خط مستقيم وأذا وصلنا لي آخــر القاعـه نطقها U-turn
ونلف ونكمـل سيـده ونرقص
يعني شهالخبال نرقص بروحنـا ؟؟ يعني شنو وحده ياها الطرب وودها اتونس وتهز عالوحده ونص ويارايحه وراده بقاعـة


ليش مايصير شكلنا أذرب من جذي ,حرمتيـن مع بعـض يرقصـون وخلصنـه
ولا أنتو شرايكـم ؟ مافكرتـو مرة هالتفكيـر؟









هناك 49 تعليقًا:

  1. هههههههههههههههههههههه حده داش عرض موضوعج
    اهو تسائل انا مادري يمكن لاني مارقص على الخط بعدين اطق فوق تحت بس اتوقع لو ترقص مع المعرس وايد يكون احلى والطف ..

    واخلي التعليق حق الخوات اكيد عندهم خبرة بهالسوالف

    انا مو مشكلتي مع الرقص
    انا مشلكتي مع العروس ليش تدخل بعدين تطلع بعدين المعرس يدخل بعدين يطلعون اهلها ويدخلون اهل المعرس بعدين الطقاقات يطلعون بعدين يدخلون اهلها ..

    يدخلون مع بعض وبس ويخلص العرس الساعة 10 وكل واحد يروح بيتهم المعاريس المساكين يرجعون تعابه ومحد له خلق يطل بويه الثاني ههههه ..

    اسف على القرقة وشكراً على الموضوع ..

    ردحذف
  2. خخخ ..

    عمري مارقصت بروحي لا معاي وحده ع الاقل لا واذا مرت وحده اعرفها ولا ماعرفها ارقص معاها خخ..

    ومشكوره..

    ردحذف
  3. لووووووووول صج موضوع داش عررض ,
    بس خوفج يرقصون كبل و لا شي تزيد حالات الشذوذ عندنا خبرج الكويتين كل ساعه طالعينلنه بفنتق
    بدال الريال البويه ,,

    ردحذف
  4. ههههههههههههههههههه.
    صدق موضوع رائع طاح فمخيخك فليالي رمضان.
    موضوح جميل قدن قدن.
    لكن شوفي انا ما ارقص وحدي لازمني وحدة واو خصوصا اذا كانت وحدة من بنات عماتي اذا التقينا انا واياها فعرس نعمل الهوايل.
    الله يجيب الافراح.
    الله يرقصني فعرسك.
    ملوحة الحياة

    ردحذف
  5. ** اصلاً احلا شي اذا كنتي بروحج ترقصين على كيفج ولا زحمه و كل ساعه احد كافخج و لا دايسين على النفنوف

    ردحذف
  6. لوووووووووووووووووووووووووووووووووووووووووووووووووووووووووووووووووووووووووووووووووووووووول

    مت من الضحك

    وردا على سؤالج

    ما توقع اغاني العروس مالت كبلز :>

    ردحذف
  7. LOOOOOOOOOOOOOOOOOOOL .. walla tha7aaktinii 3eijaabni il khaa6 ba3dein uturn heheh allah itammem 3alich khefat damich smeila 3alich ;*

    ردحذف
  8. هيهيهيهيهيهي

    يبتي الوصف عدل ماشاءالله عليج

    فعلا تساؤلاتج في محلها .. بس انا فاكه روحي .. بدون مبالغه ما ارقص في العروووس بس اطالعهم لووول
    الصراحه استحي .. اشكثر حاولوا فيني بس يختي استحي :)

    ردحذف
  9. نمووول

    يالله زين يعني توافقني الرأي .
    بس يخلص العرس الساعه 10 صعبة !!

    عيال الكويـت مايبون إلا العرس الأسطوري
    يبون الكل يتحجى عن عرسهه
    ويقعدون 6 ,7 أشهر وأهم يخططون حق اليوم الموعود ,,فيبون يحللون شغلهم ولو الود ودهم جان يخلـون العرس صبّاحـي


    شكــرا ع التعليـق

    ردحذف
  10. رورو الشخبوطة


    يـاهلاااا بروووونـه
    زين تسويـن والله
    ولاجنج مضيعه بروحـج


    مشكورة عالتواصـــل

    ردحذف
  11. *Being One

    لوووول
    لاعاد ماأتوقع توصل قلة الحيا لـي هنـي ,,تصير هالسوالـف قبـال عروس الحمايـل


    شكـرا كولورز عالمرور حبيبتـي

    ردحذف
  12. ملوحــة

    ههههه
    لاتحرجيني :$ بعد نط الموضوع أبالـي شسوي
    الله يخليلج بنات عماتج

    مشكورة يا قمـر عالتواجـد والتواصـل

    ردحذف
  13. ميمة السبيت

    أوافقج الرأي من هالناحيـه وخصوصا اذا كنتي كاشخه وشكلج كان راااااااقـي
    بس هم حلو طريقـة الكبلز ,أونس وأذرب أحس

    شكـــراااااا ..دوم متواصله

    ردحذف
  14. bent el deera

    دوم ان شاءالله الضحكــه ;)
    والله استانست يوم ونستج


    مشكوووورة

    ردحذف
  15. Sweety

    يمـا ويهي شلون صاير .. طماطه
    :$ أخجلتيني


    وأنتي الــ سوييييت ياسويتي

    ردحذف
  16. Fishah

    فديـت أم الحيـا والله

    بس والله ماتاوفقيني الرأي فشه؟؟
    يعني جنة أمبرمجينا نمشي نوصل لـي أخر الصاله نلف ونرد نمشي وهكـذا ..
    مافيهـا طعم ولا أحساس السالفـه


    مشكوورة يختشي

    ردحذف
  17. لووول حدج داشة عرض برمضان بس والله ضحكني :p
    ماعندي تعليق بس حبيت أسجل حضور ^^

    ردحذف
  18. iCoNzZz

    ههههههههه
    مشكورة حبيبتي على تسجيل الحضور ^.^
    أسعدني تواجدج

    ردحذف
  19. هههههههههههههههههههههه

    الطرب والذرابه ما يتقاطع لهم طريج :p

    ردحذف
  20. خخخخخخخ دااش عرض بقووو

    ..
    بالنسبه للرقص , مااعرف شنو قصدج بالكبلز !

    يعني كيف هي الطريقه يعني ..

    يعني البنات اللي تطربهـا اغنيه تشوفينها تنقز على الستيج ومحد يقدر يمسكهـا
    ومرات تشوفين قبيله كامله على الستيج ياحلليهم مستطربين خخ

    ردحذف
  21. كبرياء وردة

    شقول بعـد وشزيـد ... صاجـه والله :d
    شكـرا عالتنويييييير

    ردحذف
  22. SCRIBBLE

    انا أقصد انه شكل البنت لي أرقصت أبروحها وطبت رواسي بالستيج شكلها عبيط ,
    عالأقل نقلد الاجانب نرقص ثنتين ثنتين بصورة راقيـه يصير أحلى واذرب

    مشكــوورة سكريبــل عالتواجـد :)

    ردحذف
  23. ههههههههههه بس هذا اللي حلو فالسالفه

    يعني نحن رقصنا مبمثل رقص لاجانب


    تسلميين ع الموضوع

    ردحذف
  24. ههههههههههههههه
    من جد دايم اسأل نفسي وين الحكمة من الرقص أحس ماله داعي !!
    بس لمن يكون عرس أحد قريب بالعافية ترقصين ..

    ردحذف
  25. تساؤل مشروع

    بس اجابته مو شي

    تدرين ليش

    لأن العروس تعد مناسبه اجتماعية يستغلونها البنات الراغبات بالزواج بعرض مفاتنهم جود الله ورحمته يحصل النصيب

    ما تشوفين ماخذين الصاله قياسه رايحين رادين جنهم عارضات ازياء

    لأن عندهم سلعة ويبون يمشونها


    وبعدين سالفة الرقص والطريقه هذي موروثات ثقافية واجتماعية

    تغيرت شوي على مر السنين
    بس المبدأ نفسه


    صباح الخير وتقبلي زيارتي الأولى

    ردحذف
  26. ياصباح النور والسروور
    أهـلا بالزيــن ,,
    استانست يوم انج علقتي عالبوست.
    لأنـه ماشاءالله تعليقاتج دائما عين العقل وتيبينها بالملّـي ;)


    وصاجـه ,موروثات ثقافيه .
    وكل ديرة تتميز بأسلوب وبنظام معيـن وبتقاليد معينه


    شكـرا عالمروور

    ردحذف
  27. لوووووووول حدج مو صج
    ضحكتينييي لووول

    اي والله تصدقين
    انا بطلت هالسوالف اصلا
    مرة اتفقت مع بنات عمي نسويها وضبطت
    بس كان زحمة :/

    يعطيج العافية ^^

    ردحذف
  28. لووووووووووووول ..شطاري ؟؟ والله ذكرتيني من جم سنه .. هالاسئله بالضبط سألتها حق امي .. بس بدون مافكر ابثنتين يرقصون مع بعض :)

    اتهقين صج شكلنه عبيييط لووووووول

    ردحذف
  29. لووووووول جملتج "حرمتيـن مع بعـض يرقصـون وخلصنـه"

    قتلتني

    حدهم العروس رقصهم هلاقه و أهم شي لمن تيي لج البطه و تردح بالنص و الكرش يمين و يسار

    لووول ذكريات مؤلمه تصدقين اشوفهم و اقول يا ربي هذي شلون جذي جريئة ترقص جدام الاوادم

    ردحذف
  30. هههههه ضحكتيني بصراحه

    يعني الحين انتي شايفة طقطقة العروس حق couples !

    زين الوحده تقدر ترقص بروحها مع هالطق


    مشكوورة ولادشين عرض مرة ثانية هههههه

    ردحذف
  31. loooooooooooool

    صراحه

    مش بس ضحكتيني

    الا موتيني ضحك بعد

    ما اتخيل الموقف

    بنتين يرقصون مع بعض

    وين يبون

    هههههههههههههههههههه

    ردحذف
  32. هههههه

    قــوية ..

    أخــآف أنك قلتيها هنــآ ..

    بكرة تصير موضـة عند البنات ..

    وإذا سألوهم من وين جبتوا هالفكرة ..

    يقولون = = من مدونة The.One

    :)


    تحياتي لك ..

    ردحذف
  33. princess adadi


    دووم الضحكه ان شاءالله
    تصدقين وناسة!
    ودي أسويهاونرقص قروبات مع بنات عماتي


    أحس بيصثير أكشـن :p

    ردحذف
  34. fatto

    توارد خواطر :)
    أخذيها مني ..
    أشكالنا نكته كل وحدة شاخطه بروحها بالصاله وراقصه


    شكـا عالمرور يا أمـرررر

    ردحذف
  35. Momentum

    hehe ضحكتيني والله :D

    أذكر مرة بعرس ,,
    وحدة الله خير متروسه ومتعافيه قاعده ترقص ومن زود الأندماج أدعمت وحدة عصلها وأسدحتها أرض

    الله لااااااااااااااااااااااا يوريـج المنظـر ×_×


    شكرا عالتواجد للمرة الأولـى

    ردحذف
  36. Twinkle


    ياهــلا بتونكل والله
    ودوم الضحكه ياحلوة


    lol ان شاءالله عمتي :p

    ردحذف
  37. مدونة أوكسجين


    مو شرط التعليق كافــي الضحكة :)
    مشكووورة

    ردحذف
  38. اقصوصه

    هههههههه
    عليج بالعافيه الضحكــه


    أستانست يوم اني ونستج
    مشكوورة

    ردحذف
  39. pen seldom


    looooooooooooool
    صج ضحكتيني الله يقطع بليسج



    شدراج يمكن يمر مَلَك وتصير صج السالفه ;P
    شكـرا عالمروور حبيبتــي .. منورة

    ردحذف
  40. ههههههه حدج داشه عرض وبعدين مو جنه سمعت ان الشياطين يتقديون بشهر رمضان ههههههههه يمكن بس شيطان افكارج الي مايتقيد هههههههه.....انا اقول ليش نرقص اصلا بالعروس شنو الهدف هههههههههه

    ردحذف
  41. جنون الكويـت

    أهههههههههههههه والله ضحكتيني ياجنون
    الله يقطع ابليسي قطعه قطعه

    الهدف أهو التعبير عن الفرحـه
    بس هالأيـام العرس صار عرض ازياء
    كل وحدة ودها تقول تعالو الزين عندي


    شكـرا ع المرور :)

    ردحذف
  42. لوووول ,, ايي والله صح كلامج ,
    اكيد الرقص تعبير عن الفرح ,, بس لما يكون التعبير انفرادي اكيد مايسمى فرح ,, يمكن كلمة عرض ازياء تلوق اكثر P; ...
    انا من البنات اللي تقعد بالعرس وماتتحرك كلش الا بحالتين :
    الاولى يدخل المعرس اقوم البس ,
    الثانيه بنرد البيت P;
    فموضوع الرقص بالقروب او غيره ما ياثر علي كلش
    فانا بس مشاهده لا اكثر ..
    زيارتي الاولى لج =) ..
    يعطيج العافيه ^^ ..

    ردحذف
  43. أميرةٌ لِطقوسي الخاصة جداً

    نورتــي يا أميرة البلوق
    والظاهر أنج فعلا اميرة حتى بتصرفاتــج


    ولاتنسيـن ..مرة ثانيه حللي روحتج للصالون عالاقل;)

    ردحذف
  44. يو ترن

    ههههههههههههههههه
    ههههههههههههههههههه


    ياشيخه الله يسعدج

    فطستيني ضحك

    مو موضوع داش عرض

    الا خارج منطقات التغطيه...منطقات مو منطقه

    هههههههههههههه

    ياقليبي

    والله مادري ليش

    بس انا ما ارقص الا مع وحده

    بروحي لو اموووت

    يمكن اذا رفيجاتي قاعدات علي كراسي

    انا اواجهم واراقصهم وانا واقفه بمكاني

    عرفتي

    ههههههههههههه

    بس موضوعج عسل وربي مثلج


    سلااام ياااحلوو

    ردحذف
  45. صــوت الــمــدامـــع

    عسـى دوووم الضحكــة يارب

    ومشكـورة عالتعلـيق
    يا أم دم خفييييف :>

    ردحذف
  46. نرجوا لكم السداد
    وكتابة كل ما هو قيم ,,,,

    http://www.4exvision.com

    ردحذف
  47. دندوونه
    لا والله إحنا الحمدلله

    ردحذف