راحــت عليكـم

.

,.

.

راحــت عليه يالي

كان حاط تقويم عند عياده خاصـه


على بو أنه خلال اسبوعين يكون حاط التقويم


وقاط 1000 المسكين ومسحك جيبه

يازين الحكومـه ألحين بظرف 3 أسابيع التقويم جاااااهز


ماأقول إلا ..


وااااا عليه وعلى حالهم


.

,.

.

أشتقتلكـم :)

المبالغـة مطلوبـه

السلام عليكم ورحمة الله وبركاتـه

من زمـان مانزلت بوسـت بمدونتـي

وأشتقت للكتابـة والفضفضه

فقلـت أندردش عـن هبّه من الـ هّبـات ألي تارســه الديـرة


جذي بوست TO-Go عالسريـع يعنـي



" الفسـفوري ..


ينرفزوني ألي يشعللونها فسفوري

ألحين بعرف شفيها الكشخه بسنع وركـاده ؟

بيجيـات .. رمادي .. فواتـح

ترى والله كلنا نلبس ماركات ونكشخ


ماله داعـي تنفقع عينا بالألوان الفسفوريـة


عشـان نعرف أنج ستايل وموضـه


ألحين انا موقاعده اعارض الفسفوري .. لأنها اساسا موضع عالميـه بعالم الأزيـاء كَكُل

بس أحنا .. ليش نحب الـ OVer.. over ولازم نصير من راسنا لي كرياسنا ملبّسين
طقم فسفوري

ترى والله موحلو


يعنـي المبالغـه مطلوبه عشان تفرضوون كشختكـم علينـا ؟


ولا أنتـو شرايكـم ؟
وشنو المواقف الي صادفتكـم بسوالف الفسفوري ؟
أنا وحده جـد بدون مبالغه عيني قام تعورني



وسلامــتكم :)

بنات الكويت .. إلـى متـى ؟!

اي والله تقصين على منو؟! انتي مو كيت موس.. ولا انتي كارلا بروني.. ولا طولج طول بروك شيلدز..
ولا حلاتج حلاة جيسيكا ألبا.. ولا خبالج خبال باريس هلتون!!
انتي بنتنا.. فخلج على طبعنا.. لا تميلحين ولا تغيرين شي فيج
ما نبيج تعوين لسانج.. ولا نبيج تمثلين..
ولا نبي اسلوب بنات كاليفورنيا.. ولا نبي قلة أدب الفرنسيات.. ولا نبي مياعة الفلبينيات
فلا اتعبين روحج..
نبيج انتي مثل ما انتي..
شخصية بنات السعودية وحيا بنات الامارات ودلع بنات الكويت
نبي جمالج الطبيعي.. سمارج وشعرج الكيرلي.. والرزة والمشية والنظرة اللي من طرف عين
نبي بنت مواقف واخت رجال.. كريمة وصاحبة مبدأ..
نبي الثقل.. والثقافة.. والطيبة..
عسى الله يحفظكم لنا


كتب بواسطـة .. thouq.blogspot.com

---


عيـال الكويت الله مرهي عليهم

وبناتهــا من عمرهم يحبون التميز

والفناتـق ,وخصوصا الشـي اليديـــد

ويوم انه محل Gap كان موموجود بالكويت

الطلببيات تتراقع على بلوفراتهم

ولمـا أفتحوه بالأفنيوز , مامر عليه قطو

وليش يشترون منه ؟ دام خلاص صار شي عادي وموجود بالديره واي واحد يقدر يلبسه .

هذا غير لبس المعارض ,الي كل وحدة أتطلع فنها بتصميمها باللبس

وأي خام تلقاه او قطعه اكسسواره ألزقتها بالنفنووف وسوته ستايل



الأيــام تمشـي والتبدّع يزيـد
والتنافـس كل مالـه ويحمـى بيــن البنـات
وكل وحدة غصب بتصك عالثانيه
الأولـى تطلع ستايل يديد وفنتق تكشخ فيـه .. والثانيه هووووب راكضـه تقلدهـا ..
والثالثة بتطلع فيهـا وبتصير الشاطرة وبتضيف لمساتها التافهه عالفنتق اليديد


كل يوم والكويتيات هابييـن بستايـل يديد


بدايـةً فجأة كل البنات ألبسو حجاب شوارفسكـي ..
(الله يرحم ايام شيـلات نوران )
وكل من قام يحط دبابيــس يثبـّت القصّة مالت الحجاب ..
وبعديـن أيدهم قامت تحكهم وغصب بيطلعون ستايل يديد ,قامو وحطو شباصه براسهم ..
ولما أستوعبوو أنه الحركه صارت هلاقـة .. قامو يسوون بف صغيّير بقذلتهم يقلدون الاماراتيات ..
وهكـذا ..وماندري إلـى متـى راح تستمــر هالتفاهات ؟؟






أمـا الجـزء الثانـــي من البنـات

من التريننقــات الضيجـه
وحزامات المصارعـه العريضـة
ونظارات الي الكل هاب فيها
وسوارات الكارتير
لـي .. الفسفوري والبـلاك بيــري وجناط شانيـل



وهذا كلـه هيـن .. بـس إلـي ذابحنـي أنه السالفه أمصخـت وصارت OVER

والهبه اليديده أهــي


7
7

أول مرة أشوف حزام ينحط بالراس
بصراحـة الي يسوون هالحركة اشكالهم صج عبيطـه
وبعد جم سنه شوفووو صوركـم ,من قلب راح تضحكون على اشكالكم




--
وبصراحـة عينـي قـام تشوف الهواااااايل من لبس البنات @@!
بالجامعه ..بالسوق ..بالجمعيه
شي قصير وشي ضيج وشي مكشّف
غير مباليه نهائياً بحدود الديـن وماشرعه ربي



همسه



يا بنت الكويت !
ليش ماتصيرين واقعيـة أكثر
وتتقبلين أنج كويتية خليجية
مهما سويتــي ..
مهما لبستـي القصير والضيج والفاضح
تظلين كويتية متمسكة بعاداتج وتقاليدج




واذا الحكومة ما أفرضت علينـا وقيدتـنا باللبس الشرعـي مثل غيرنا
هذا مومعناته انه نطلـع خـارج الحدود


ياحلو البساطه ..
والكشخـه برزانــة ..



ps الموضوع يخص على بعض بنات الكويت ومايعم
ولا ماشاءالله في بنات اذهبه بهالديره :)

موضوع داش عرض

السلام عليكـم ورحمـة الله

اليوم طـق أبالـي موضوع , معنـى المفروض موقتـه هالموضوع لأنه احنا بشهر فضيل
وأي موضوع من هالمواضيع المفروض أني أطردها من بالـي
بس الشيطان يخلينا out of control ويشتت مخي بعض المرات الله يطقع بليسه
ويخليني أسرح وأمرح بالتفكيـر


موضوعي شوي عبيط وشوي غبي


العـرس شي مُقدّس عندنـا بالخليـج ,ومافـي مانـع من هالشي ولابد منه
ومن حـق الكـل يفرح بزواج عياله
المشكلـه ألحيـن مو بفكـرة العـرس المشكلـه بألي يصير داخل العرس !!



ألحيـن بالــ عرووس والحفلات ليش الواحد يرقص بروحه جنه عبيط ؟
ليش مانرقص مثل الأجانب couples أثنين أثين مع بعض ,حريم وحريم أكيد
بس أمانه يعني شكلنا مو عبيط .. وأحنا ندق سلف ونرقص سيده خط مستقيم وأذا وصلنا لي آخــر القاعـه نطقها U-turn
ونلف ونكمـل سيـده ونرقص
يعني شهالخبال نرقص بروحنـا ؟؟ يعني شنو وحده ياها الطرب وودها اتونس وتهز عالوحده ونص ويارايحه وراده بقاعـة


ليش مايصير شكلنا أذرب من جذي ,حرمتيـن مع بعـض يرقصـون وخلصنـه
ولا أنتو شرايكـم ؟ مافكرتـو مرة هالتفكيـر؟

أصداء مجزرة الجهراء في أمريكـا

السلام عليكم ورحمة الله وبركاته


بدايـةً .. عظـم الله أجركم جميعـا بشهداء الكويـت
والله أنـا لي ألحين مومستوعبة هول المصيبة الي صارت
حريم أختنقو من الحريجة ..غشو .. وأشتعلو بهالنيران ..وتحرقو تحرّق إليما ماتو
لحظـة لحظـة خل أستوعب عدل إلي صار والله موداش عقلي منظـر الي صاير من هول الوضع
.
.

طبعـا الجميع ضاق خلقه حتى أهالـي الكويت إلـي بـرى الديـرة .
حتـى أمـس يوم كنت بالـ national museum فـي washington DC
شفت وحدة بالاسنصير أبتسمت بويها وسلمـت عليّ


-من الكويـت ؟
- أي نعم :) , وانتو من وين ؟
- السعوديـة , عظـم الله أرجكـم عالـّي صـار بالكويت
- اجرنا واجرج حبيبتي
- صراحـة ألي عندكم صار موشويــه , شي يعور القلب !!
- صاجـه والله , إن كيدهن عظيم وهذا قضاء الله وقدره


حتى الخليجيين الي بـرا الديرة يعزّونا بهالحادثه
صج مأســاة ألـي صار
شقول والله ؟ الله يجازي السبب آميـن
الله يصبر قلوب أهالي الموتي آميـن




’ حينما أصبحت كارثة الجهراء حديث للشارع السعودي !! ’

درب الزلق

ماخلـو شـي والله
حتـى أشهر مقطع من درب الزلق سووه كرتون
بس صج ظابطينه !

زغرووطـــة

ماتـدرون أشكثر مستانسـة على هالأنجـاز ألي توصلت لـه !

شـي قاعده أعابـل فيـه من أول مابطلت المدونـة وكل ما أحاول فيه أعجز أني أحققه

عابلت وعابلـت وحاولـت ويامـا يأسـت

بس بعـد محاولـة طويلة نزل علي الوحـي ورحت المكان الفلاني وطقطقت بهالكيبورد و بلحظات وصار ألي كنت أبيه !

صج انه اخذ مني ساعات من المحاولـة بــس بيوم من أيام المحاولـة مرة وحدة لقيت الي ابيه بظرف دقائق معدودة

دوختكم ولا قلت لكم شنو أهو الانجاز ,أدري نحاسه :)

اهو ’ قائمـة المدونات الألكترونيـة ’

يمكن بنظر الكل وليس البعض انه أمر سخيف ,بس صدقوني تعبت وانا احفظ المدونات بالfavorites

عاد دورو الحكمـه من الموضوع ;d

وضعـي مثل الصورة الي حاطتهـا ×_×

باقـي دقائق معدودة ..

ودقات قلبـي متسارعـة , وكـل دقـة تسبـق الأخـرى ..

وكأنهم قد خاظـو سبـاق مـا

وكأنـي لم أعتـد على هذا اليوم .. وتحديدا فـي كــل عـام

ومازالـت الدقائـق الفاصـله .. بطيئـة , تكـاد أن تمـر حتـى تصـل الى الساعه الثانيـة عشر

لينطوِ يوم جديد





يوم مولــدي !

ويتخالجنـي ذلك الشعور فـي كل عام .. ولـم لا ؟

أنها لحظة مولدي ,يوم وجودي بهـذا العالـم العالم الذي خلتـه جميلا في صغري
وأتمنـى أن لايزول هذا الاختيال يومـاً , وما إن باتت الساعه الثانية عشر ليلا
والكشـرة من الأذن إلــــــــى الأخـرى , متحمسـة هذه المرة على غيـر عادة
منتظـرة التهانـي والتبريكـات .. ولا مانـع من أستقبــال الهدايـة :p

.

.




مرت ساعــة على يوم ميلادي .. ساعتـان .. ثلاث .....ولـم أجـد بادره من أحد

لا أتصال .. ولا مسـج .. ولا حـس .. ولا خبـر

أنخمـدت نـار الحمـاس فـي قلبــي

وكأن قالــب من الثلـج أنهمـر علــى صدري

فخمّــد النار ولسعــه ببرودتـه ... برودة أقربائـي !

اقربائـي الذيـن لم يوجهو لـي " كـل عام وأنتـي بخير " لأفرح بهـا

كل عام واتني بخير حافـه ! بدون هداية أو تذكار حتـى !!

ولم أطمع بالهدايـة قطعـاً ولكــن كـم أُقـدِّر الأمور التي تخرج من القلب

وتترك بصمـة وذكـرى ,,

شيء بسيط يشعرنـي بقرب من حولـي ومدى حبهم إلـيّ ,, شيء يحسسنـي بالأنتمـاء إلـى قلوبهم


.
.



وكما قلت مسبقا ..سرعـان ماأختفى شعور الحماس.. والترقب.. وكل ماهو مبهر
ومر الوقـت طويلا ولم يبـادر أحـد .


وأذا بتلـك الصفعـة .. التـى أنهلـت على وجهـي منـي
وكأنـي أولّـد المعلومـة من عقلـي .. كولادة مستعسرة
معلومـة التـي كشفـت لـي عن مدى غبائـي وفطانتـي
وصار حالـي كحـال الصورة التـي بالموضوع


وكانت المعلومـة ..

أنـه عيد مولـدي ليس الــ 27 من الشهـر !!
بـل 28 .. واليوم هو 27 !!!!!!!
يااااااااااااه كم مرة أخطأت بنفس الخطأ سنيين وسنين ومازلــــت !
ولــم أكف عن أخطائــي .. غبية أنـا

والمضحك بالأمر .. أنـه حتـى يوم مولـدي الصحيح
لـم أجـد بادره ولا كل عام وأنتـي بخير من أحد :)


عدا أهلـي من هم معي بالسفـر.. لم يقصرو بشيء .. ويعطيهم العافيـة


شكـرا ..

مـا لـذ وطاب من الـ ....؟!

كـان رجـل ذو أحساس مرهف .. علـى أعتاب الـخمسينيات .. ياباني الجنسيـه ..التقيقت بـه في "neyagra falls on the lake "


كان وقد غاص فـي عالمـه .. يترنـم بين خيوط آلتـه الموسيقيـه الغريبـه.. يعزف ما لذ وطاب من المعزوفـات
التي تريح اذن سامعها


وجهـت بصري الى ما سمعـت اذناي اليه .. فخطوت خطوي باتجهاه ذلك الصوت ..فاذا بقـفـا ذلك الرجـل ..يلوي رأسه


يمينا وشمالا بأقصـى درجـة من الاندماج .. بكل أحساسه وعاطفتـه يعزف ما يلقنـه قلبـه من مشاعـر وأنغام
وهو جالـس على كرسـيه الخشبـي .. يضرب بتلك العصاتان أوتار آلتـه الموسيقيـه..وقفت بجانبـة أتـأمـل ألحانـه ..
كانت مرهفه بالأحسـاس ..تصل الــى القلـب .. فتنغزه وتلسعـه بألحـان متناغمه مترنمه تجذب السامـع


وبعد ماكنت انا وظلـي يقفان بجانب ذلك الرجل .. ألتـف حولـه بعدد لابأس بـه من الناس وقد بان الاعجاب فـي وجوههم ..فألقو عليه ببضع دولارات او اقل تقديرا لـه أو لعزفه بالأخص!


وأنتظــرت نهايـة المعزوفـه حتـى سألتـه بسعـر الـ CD وأقتنيـت واحـد من معزوفـاتـه ..
وحينهـا الأبتسامـة ألتصقت بوجهـي :)


فقد بت سعيدة وأنـا مقتنيـة هذه المعزوفـات الكلاسيكيـه ..
فكنت اتمنـى يوما ما أن أحتفظ بواحـده تستحق الأستماع
تؤثـر فـي خاطري ..وتحسن مزاجـي .. وتريـح بالـي ..

Tip 4 2day

أبـدأ صبـاحك صح ..

..................... بعـادة سليمـة ..

....................................بطريقـة صحيّة ..


حتـى تكمـل باقـي يومـك صـح .

الحمدالله ..سهالات

الحمدالله توفقت برحلتـي بالجو هذا المره .. بعكس المرة السابقة تماما
الكراسي اوسع .. الأكـل أطيـب .. وأهم شي انه سافرنا الفجر وردينا العصر .. يعني كلا صبّاحـي فما حسينا بالتعب
مـر الوقـت بسرعـه .. وقضيـت وقتي بين النوم والأفـلام والقراءة


الطيران القطـري وايد مريـح ..
عجبنـي وايـد .. ووجباتهم نطعـة

الوجبة الاولـى قدمـو دياي متبل وبطاط مهروس بس لذيييذ
والواجبة الثانيه بريانـي

وأحلـى شي أنـه على كل كرسـي شاشـة أم touch screen واسعه
وبالقائمـة الرئيسيه .. في أختيارات وايد .. منها أفلام وألعاب ومسلسلات وبث تلفزيوني محلـي -قريبا -


أنـا عن نفسي استمتعت بمشاهده أفلامهم
كانت يديده ووضاحه ومترجمـه وكل شوي أغيّر بين المسلسلات الكوميدية و الـmovies

شفـت 5 أفـلام مع أحلـى بباي أكيـد the simpson
وقريـت كتـاب ' المديرة والدرويش" حق أبراهيم دشتـي .. كان كتاب ممتع وموفق



والحمدالله رب العالميـن :)

إلــى أمريكـا .. مع التحيـة

الله يانـي ولهانـا لهالديـرة .. مرت سنـة بسرعة البرق وكاني يايتلهـا مرة ثانيـة
أذكـر لما وصلنـا المطار وطلعنـا منهـا تنحـت !!





هذي امريكـا !!


وعلى ويهي كـل علامـات التعجـب





سيايرهـا مكركبـة.. والشارع مافيـه حيوية .. اللهم جم شجرة مخوضرة

دشيـت السيارة وانا متبلعمـة .. موجهة تركيزي برا الدريشة ,وشــردت شوي ..
وبصوت خافـت ..



’ الله هذي أمريكا الي خابينه فيها ؟ مافيهـا زوود

وبينها ووين الكويت ! والله ديرتـي أحلـى

وكـل عبارات الاستنكـار والتعجـب اخطرت فـي بالــي ‘


.
.





"يقولون برج الأسـد دايمـا يحكـم من النظـرة الأولـى "
عشـان جذي راح تقـرون بعد شوي ,نقيــض الكـلام الي قلتـه مساعه :d





مامرت أيـام , إلا وأنـا مكيفـه عليهـا ومتشققـه

كافـي المعاملـة السمحـه .. كل ماشفتـي بويهج باب فجوه لـج الي قبلـج

والـ complement والتعليقـات الحلوة الـي يقولونهـا لج


.
.



بصراحـة أستانسـت على their life style

أحــس نفسـي صج عايشـة بحريـة مطلـقه وبلا قيـود

مافـي نـاس تخوووزر .. ولا تعلــّق ..

كلن ماشـي بطريـجة

وتحسيـن بتقديـر لذاتـج .. والسكينـه .. والهدوء.. والشمس الساطعـه والخضـرة
من كثـر هالأحاسيس الحلوة ودج تألفيـن كتاب والله :d


.
.



بصراحـة حبيتهـا وحبيـت كل شي فيهـا


من الجانـب النفسـي .. والروحانـــي .. والتسوقــي :d .. والتّشــري ..



زرنـا أبرز الأماكـن ألـي فيهـا ,وفرينـا معضمهـا وتنقلنـا بين أرجاءها

أطول مكان زرناه استغرق 7 ساعات وأقصـر مكان ربع ساعـه.. بالسيارة طبعا

مرينـا على الصحــرة .. والخضــرة ..

ودبـت السيارة كل مالـه وتزيـد بالجيـاس والأغراض ;d


.
.





يمكن لاحظتو جم قطه بالنقليزي .. بس شسوي
بتعود من الحين , بـاجر السفرة :)
شايـلة هم الـ 14 ساعـة .. مادري شبسوي فيها .. وأنا أدري مستحيل انام بالطيارة
الله المعيـن

كوكتيل بوستــات من بلوقـات مختلفه

فـي بوستـات حلـوه ..


ماخـذت حقهـا


وعشـان قديمـه ..


محـد قراها وعَلّق عليهـا


ولأنـي اذا دشيـت بلوق اول مره يمـر علـي ’ أنبـش الفهـرس وأشوف شنو العناوين الي تجذبنـي


وأرد عليهـا .. معنـي ساعـات أشـك أنـه صاحب البلوق راح يشوف ردّي يوم من الايـام


فحبيـت أشارككـم وأقدك لكـم بوستـات حلوة .. خفيـفه ولطيفـه ..مع حفظ حقوق النشـر D:


ملاحظـة : البوستات في منها اليديد والقديـم ,لكـن مجرد بوستات أعجبتـني وحبيـت أشارككم فيهـا ,والموضوع متجدد


.
.
.
.






مميزات نعالـي الأمريكـي
نكتـه هالبوسـت


نبـي نقول .. انتي مو كيت موس
!!!كلام عين العقل .. بنات الكويت ينو وأقعدو



نـاااااااار ياحبيبي نااااااااار
بوسـت من قلـب يضححححححححححك



بوسـت لقيـت نكـي عليه D:
U r THE ONE



أحتضـان الماضــي
سطـور حلـوة تحمـل طيـات من الماضـي




ويبقــى الأثــر
روايـة تفننــت سطورهـا بأسلوب جميـل
"وماشاءلله ثيـم البلوق حده يشووووق "




هيبـة ملـك
اقروها الروايـة جـد حلوه ,خفيـفه ولطيـفه




فيوتشيني الربيان بالكريمة
طبـق شكلـه صج wow




once upon a morning
البوكيه الي فيه , يشرح الصدر :)


what do you think
كركتيـر يكشفلك الفرق مابين الرجـل والمرأة ... LOL



Anonymous
مصير للـي ايبـس راااســه !



الحمدالله
موضوع راق لـي كثيـرا



ترانيـم حـب
ترانيـم تدخل القلب فتدفئـه بكلماتها العذبـه



مـــرآتــي المسكونــــة
حديث النفـس .. كلمـات مثل الذهب وتستحق القراءة


السكــران والحبال
فيديو أضحكني +حكمـة


للحديـــث بقيــة !!
قصة



ومثـل ماقلتلكم ..
الموضوع متجــدد .. وإن شاءالله يعجبكــم البوســـت




* تـم التجديـــد *

موقف مـر .. بدون سابـق أنـذار

تعـرفون الشعـور ..

ألـي وأنتـو سرحانيـن ومرررة وحدة يطلع ليـت فوق راسكـم ؟!

ويذكركـم بمشهــد مــر بحياتكــم


والمشهـد هذا صارلـه سنيــن وبنيــن .. ومنــت عـارف أشلون تذكرتـه بدون سابق أنـذار







اليـوم وأنــا قايمـه طلـع الليـت صاحبنـا :d ‘ وتذكــرت موقـف ظريــف مر علـي وأنـا بالأبتدائـي

كـانو موديـن المرشدات رحلـه حـق الــ .. kuwait zoo ,أهو في غيرها

الجـو كان جوووووولـة , صلخ , حر , موت الحمر .. وكل كلمـة تـدل علـى سخونـة الجو


وكنـت توني متعرفـه على وحـدة وكنت بتشيحط قبالها
:d

قلتلـهـا والله لو أشووووف بطل مـاي بصبه كلا فوق راسي و بتسبح فيييييييييييه من الحـر .. يعني انا القويـة

مشينـا شوي ,ولانشوف بطل مـاي .. أنـا شفتـه تبلعمـت الحين شسوي ؟ حلفت أنـي بتسبح فيه وألي يجذب الله بيقطه بالنار :S وهقه

وأقـــووم وأشتـريــه .. وأبطلـه .. وأصب الماي بالغطـا ونثرتـه على ويهي :d عن الحـلال والحرام لووول يكون صايده الحركه

يعني منفذه نص الحلـف لوووووووووووووول


..







بـس والله يحليلنـا قبل يوم كنا صغار كنـا نحـط للكلام الـي ينقالنـا أعتبـار :)
والـي يجذب الله يقطـه بالنـار




وأنتـو مامرت عليكم مواقف تذكرتوها بدون سابق انـذار ؟

ســر الألـــوان

الألوان .. الألواا ن.. الله يانـي أموووت عالألوان

أحـس ورا الألوان ســر مثير للأهتـمام




وأعتقـد فيهـم أعتقــاد كلّــي

أحـس أنـه الألوان لـها أثـر كبيــر بحياتــنا

وأهــي ألـي تتحكــم بأمزجتـنا




ومجـرد أنـه عيني تشوف لون معيـن
عقلـي الباطـن يسلـك و ينجـرف ورى تأثيـره



والسؤال : " ماهـو لونـك المفضــل "؟
أهــو خيـر سؤال’ لــ تحليل الشخصيـه








معنـي لبسـي رمادي × برمــادي

وأذا بغيـّـر ..

بالصيـف ألبس رمادي فاتح وبالشتــــا ألبــس رمادي غامـج .. حالتـي ميؤوس منهـا

بـس مع هـذا


عشقـي البرتقالــي .. ماشـــي أبدمــي
يمكـن لأنـه برجـي الأســد فألقـى روحي بالبرتقالــي لأنـه اثنينهم يرمزون للــ الطاقـه


يجذبنــي حيـل وأحسـه يأثر بنفسيتـي
وأنـا مخليـه ثيم البلوق أبيـض بس عشـان أكتــب بخط برتقالــي lol :p




تحليل الألوان



الأسود

للون الأسود خصوصية حيث أن له تحليلين..
لمرحلة المراهقة:
*انفعالات للداخل إنسان يبحث عن صفاته الداخلية
*ويبحث عن الكمال والتميز
*إنسان لديه نقص عاطفي، ويبحث عن الحنان
في مرحلة ما بعد المراهقة:
*شخص كثير التفكير بالمشاكل




الاحمر
* يحب أن تكون له كلمة مسموعة.
* يحب إثبات شخصيته
* يثير انتباه الآخرين.
* يوجه طاقته لنفسه.


الأزرق
* الهدوء والسكينة والوقار.
* قدرات عقلية كبيرة.
* المخيلة الكبيرة.
* إنسان يكره المشاكل ويتجنبها.
* يحب المنطق الهادئ في التفكير والحوار.
* طيب ومتعاون.


الأخضـر

* الثقة بالنفس.
* التفكير الجيد.
* الإبداع في حل المشاكل.
* السير في خطوات بطيئة ولكن ثابتة.
* الثبات في الشخصية.
* مشاعر مرهفة.


الأصفــر

* المقدرة على إنجاز الكثير من الأعمال في وقت واحد.
* لديه طاقة ممكن أن يعطيها للغير.
* إنسان عملي وكثير الحركة.
يحب أن يرى نتائج عمله.



البنــي
*الاعتماد على النفس



الرمــادي

فـي رمحلـة المراهقه :
* شخص معتدل في تفاعلاته الداخلية والخارجية.
* مراهق يمتاز بالعقلانية.

فـي مرحلــة بعـد المراهقه :
* شوائب صدمة نفسية قديمة ، لم يبقى منها سوى قشور بسيطة.


البرتقالــي

*إنسان يحب الشهرة والاشتهار والانتشار والتعبير عن الذات بالأفكار والأعمال والأفعال
* يميل إلى الفن ويحب أن يكون نجما محبوبا لدا الناس
* يحب الحياة والناس ويميل إلى الاحتكاك والاختلاط معهم
*يحب أن يكون متميزا بكل عمل وفعل يعمله ويفعله ويتمنى أن يشد الانتباه ويأسر الناس ويجذبهم ويصبح مميزا بأعينهم
* لا يستطيع العيش إلا كإنسان محبوب
* كما انه يكره الظلم والقسوة والاضطهاد والتخلف والعنصرية والفرض والسيطرة الإجرام والإرهاب


البنفسجــي

*إنسان يحب السكينة والهدوء ويحب الأضواء الهادئة
*يستلطف الناس ويميل إلى الاستمتاع في الحياة
*يحب المتعة أنتكون بكل شي أكله وشربه ولبسه ورؤيته وإنصاته وأماكن حضوره
* كما انه يعيش الألفة معا من يحتك به ويحب الحياة
*له حس مرهق ومشاعر تتدفق وذوق رفيع في الاختيار والقرار


الوردي

*الدفء في المشاعر والحنان والتدفق في العاطفة
*الرقة بالتعامل والألفة بالاحتكاك والمحبة لكل الناس والحنان للصغاروالكبار والود
*الانجذاب لمواطن الأمن والأمان والاستقرار ومحبة الهدوء والانسجام والتلاؤم والتأقلم
*الميل للـرومانسية ودائما التفكير في الحب والعطف
* وشخصيته أو شخصيتها متسامحة وودودة تكره التسلط والبغضاء والأنانيةوحب السيطرة والتحكم والاستبداد والعنف
*فرض الآراء ودائما تستحي وتخجل وهي حساسة

Cute faces on flickr

كنت قاعده أسوي سيرج بــ flickr ولمحـت cute faces

دشيــت على الصورة ,ولا فلكـر كامل بـس عن هالكيوت فيـس

ذوبَـــت قلبـــي وزوغته , ملامحهـا براءة ببراءة


أهـي فكرتهـا تقريبـا

مثل الDolls الي بالفخار يسوونهـا على حسب المواصفـات الي تطلبينهـا

يصممون ملامحها


وتالــي تشتريلها هدووم وكل عدتها


والحلــو فيهــا أنهـا تيي "صلعه"Lol وانتي تختارين لها الشعر وتغيرينه لها



ووايـد من محبـي هاللعبـه مدمنيــن فيها ادمان تـاااام



يشترون لها ملابس وبواريـك وجواتـي "تكرمون"

والبعـض من أصحابهم يخيطون او يحيكون لهم ملابس






وأهــم شـي بالموضوع

أنـه حق الدُمـى الي شعرهم كشـه

سوولهــم أستريتنر مخصوص حقهم :d والله عز لووول





وهذول بعـص الصور لهم

لاحظــو ملابسهــم , كيوت


وأختلاف ملامحهـــم





























وهذي بنت صاحبـه الفلكـر (مُقتنيه المجموعـه )عالطريــج تشوق جان احطها

شي يخليك ماتخاف من مواجهه ربك

وأنـا قاعـده أشوف برنامج الشيخ نبيل عالوطن باستضافه الشيخ صالح النهام والشيخ فهد
من خلال حوارهم واستلهمت هالموضوع او المناقشـه

---------

فـي حياة كل إنسـان يجب أن يكون له هدف ونهايـة تنقذه من حسـاب "ولا نقول عذاب,حتى لاينفـر البعض " الاخـره
فـي حيـاة كـل شخـص تستوجـب عليـه أتخـاذ القرارات السليمـه حتـى يصيـب ولا يخيـب فـي الحســاب
يـوم يقف امـام ربـه جل جلالـه بعظمتـه وكبريائـه فيسأل العبـد :
ماعملـت في ساعتك ؟ ماعملــت فــي يومك ؟ ماعملـت فـي سنتك ؟وماعملت فـي حياتـك ؟

نحن نقف امـام إنسـان ذات قيمـه ونتحاور معـه ,او حتـى إن لم نتحاور يصيبنـا التوتـر والارتبــاك والخوف
الطفـل يقـف امام ابويـه عندمـا يعترف ماقام به من خطـأ يصيبـه الخوف والهلـع
الموظـف عندمـا يدخـل على مديـره ويخبـره بـأنـه المشــروع قد دُمّــر بالكامـل ,يتمنـى أن تشنق الارض وتبتلعـه


_اريـدك ان تتوقـف للحظـه وتستشعـر _
مـا تتوقـع شعورك حيـن تقف أمــــام المعبــود الذي خلقــك وتبـوح لـه بما فعلـت من مهدك إلـى لحدك
تَذَكــر موقف مر عليك وانت خائـف من قول الحقيقه المؤلمـه لشخـص مـا ... وقارن ماذا ستفعل عندما تقول للــــــه بما فعـلــت في دنيـاك


هل تخيـلت الشعور ؟ شعور الرهبـه والخوف من قول خطاياك وذنوبك ومعاصيك التي ارتكبتها لله
اذا لم يفت الوقت .. فإن الله رحيـم بعباده :)


أستغرب من الفنانيـن والفنانات مثــل حليمـه بولنـد وغيرهـا ...
شنو سوو شي زين بحياتهم حق ربهم ؟ شنو سوو شي مايستحون يقولوونه قبال ربهم ؟
شنو سووت حليمـه غير التدلع اما شاشه التلفزيون وقبال الي مايسوى ومايسوى
شنو أكسبـت , أوكي تدلعت وبعدين ؟ مردها راح تكبر بالعمر ويكرها الكل وتفقد رونق شبابها
ولبسهـا للملابس المخلـه ,مره شفاف مره ضيج مره قصير ...وحليمه ماهي غير مثال حبيت اقوله
لانـه بعـض من بنات هالايـام نسوو وايـد اشيـاء وقامو يسوون الي مايسونه حتى الفنانات



اللــه كريـم
وأتمنـى أنـي أأثـر فـي نفوس البعـض وأكون سبب في تغير افكارهم ووجهات نظرهم

دكاترة .. عالهــبــندي

قبـل الأمتحانــات حاشتـني أنفلونزا قويـة
ألـي راسي بس صدع منهـا موقادره اطالع حولـي
ومعنـى دم أضرووووسي المستوصف لانه ادري شغل "بندول + مضاد " وسلام عليكووو
وفوق هذا نطره والدكاتره نفسيه طرق هالبالطـو والسماعه حوالين الرقبـه
قلت اروح وأمري للـه .. وانا حدي مثقلـة
المهم ..رحت ويليتــني مارحت
رحـت صكـت نفســي ورديـت
يووم رحـت خذيت دور مامرت نص ساعه إلا وانا طاقـه باب الدكتورة

سلام عليكم ..
جك جك , أطقطق بهالكمبيوتر ,مندمجه فيه الاخت
دكتورة حايشتني نشله قوية واحس باحتقان ابلاعيمي ,بغيـت مضاد
شافت بلاعيمي قولبت ابويهي يمين يسار .. أيوه بتكتبلج بندول مافيج شي !!
ياماما ألحين انا يايتلج متعنيه أبـي مضـاااااااد مابي بندول شنو خلص البندول ابيتنا

-منــي هالمقطـع الـي غثنـــي لووول-
൭
൭
൭




أوكـي خلاص فيج أنفلنزا الخنازيــر طيب , ماشي !! عاوزه كـده


أنـا مني تنحتتتتت .. شالأسلووووووووب شالتقدم
هذا و انتو دكاترة متعلمين المفروض يكون تعاملكم ارقـى من جذي
إلا تعاملكم دون الرقـي انتو ..
المـرا يايـه تفاول علــى الأوادم شخنازييرة شبطيييخ .. اخخخ بس حسافـه أنـه ماعنـدي الســان وماعرف اطولـه
جـان عرفـت أشلون أرد عليهـا .. لكـن السكـوت من ذهب :)



والله دكاترتـنا خرفو وصارو دنصورات لانهم موجودين بنفس المستوصف من قبل سـت سبـع سنين

*brand new

السـلام عليكم ورحمة الله وبركاته

.

حبيت أدون أفكاري وكل مايخطر على بالـي
وأكتـب تعليقاتـي وإن شاءالله أكون خفيفـه علىيــكم