2009/09/11

بنات الكويت .. إلـى متـى ؟!


اي والله تقصين على منو؟! انتي مو كيت موس.. ولا انتي كارلا بروني.. ولا طولج طول بروك شيلدز..
ولا حلاتج حلاة جيسيكا ألبا.. ولا خبالج خبال باريس هلتون!!
انتي بنتنا.. فخلج على طبعنا.. لا تميلحين ولا تغيرين شي فيج
ما نبيج تعوين لسانج.. ولا نبيج تمثلين..
ولا نبي اسلوب بنات كاليفورنيا.. ولا نبي قلة أدب الفرنسيات.. ولا نبي مياعة الفلبينيات
فلا اتعبين روحج..
نبيج انتي مثل ما انتي..
شخصية بنات السعودية وحيا بنات الامارات ودلع بنات الكويت
نبي جمالج الطبيعي.. سمارج وشعرج الكيرلي.. والرزة والمشية والنظرة اللي من طرف عين
نبي بنت مواقف واخت رجال.. كريمة وصاحبة مبدأ..
نبي الثقل.. والثقافة.. والطيبة..
عسى الله يحفظكم لنا


كتب بواسطـة .. thouq.blogspot.com

---


عيـال الكويت الله مرهي عليهم

وبناتهــا من عمرهم يحبون التميز

والفناتـق ,وخصوصا الشـي اليديـــد

ويوم انه محل Gap كان موموجود بالكويت

الطلببيات تتراقع على بلوفراتهم

ولمـا أفتحوه بالأفنيوز , مامر عليه قطو

وليش يشترون منه ؟ دام خلاص صار شي عادي وموجود بالديره واي واحد يقدر يلبسه .

هذا غير لبس المعارض ,الي كل وحدة أتطلع فنها بتصميمها باللبس

وأي خام تلقاه او قطعه اكسسواره ألزقتها بالنفنووف وسوته ستايل



الأيــام تمشـي والتبدّع يزيـد
والتنافـس كل مالـه ويحمـى بيــن البنـات
وكل وحدة غصب بتصك عالثانيه
الأولـى تطلع ستايل يديد وفنتق تكشخ فيـه .. والثانيه هووووب راكضـه تقلدهـا ..
والثالثة بتطلع فيهـا وبتصير الشاطرة وبتضيف لمساتها التافهه عالفنتق اليديد


كل يوم والكويتيات هابييـن بستايـل يديد


بدايـةً فجأة كل البنات ألبسو حجاب شوارفسكـي ..
(الله يرحم ايام شيـلات نوران )
وكل من قام يحط دبابيــس يثبـّت القصّة مالت الحجاب ..
وبعديـن أيدهم قامت تحكهم وغصب بيطلعون ستايل يديد ,قامو وحطو شباصه براسهم ..
ولما أستوعبوو أنه الحركه صارت هلاقـة .. قامو يسوون بف صغيّير بقذلتهم يقلدون الاماراتيات ..
وهكـذا ..وماندري إلـى متـى راح تستمــر هالتفاهات ؟؟






أمـا الجـزء الثانـــي من البنـات

من التريننقــات الضيجـه
وحزامات المصارعـه العريضـة
ونظارات الي الكل هاب فيها
وسوارات الكارتير
لـي .. الفسفوري والبـلاك بيــري وجناط شانيـل




وهذا كلـه هيـن .. بـس إلـي ذابحنـي أنه السالفه أمصخـت وصارت OVER

والهبه اليديده أهــي


7
7












أول مرة أشوف حزام ينحط بالراس
بصراحـة الي يسوون هالحركة اشكالهم صج عبيطـه
وبعد جم سنه شوفووو صوركـم ,من قلب راح تضحكون على اشكالكم




--
وبصراحـة عينـي قـام تشوف الهواااااايل من لبس البنات @@!
بالجامعه ..بالسوق ..بالجمعيه
شي قصير وشي ضيج وشي مكشّف
غير مباليه نهائياً بحدود الديـن وماشرعه ربي



همسه



يا بنت الكويت !
ليش ماتصيرين واقعيـة أكثر
وتتقبلين أنج كويتية خليجية
مهما سويتــي ..
مهما لبستـي القصير والضيج والفاضح
تظلين كويتية متمسكة بعاداتج وتقاليدج




واذا الحكومة ما أفرضت علينـا وقيدتـنا باللبس الشرعـي مثل غيرنا
هذا مومعناته انه نطلـع خـارج الحدود


ياحلو البساطه ..
والكشخـه برزانــة ..



ps الموضوع يخص على بعض بنات الكويت ومايعم
ولا ماشاءالله في بنات اذهبه بهالديره :)



هناك 37 تعليقًا:

  1. واااااااي واااااي واااااااي

    من اللي نشووفه ..
    شي مووو طبيعي ..!!

    السوق والا الكلية !!
    الله يصلحهم ويستر عليهم !

    والله العظيم لما اشوف نظرة الشباب لهم ..
    تلووع جبدي زيااده!!


    تعبنا واحنا نتحجى!
    ولا اكو فايده ..
    عمك اصمخ ..


    قلبي متروووسه من هالموضووع !

    بس كفيتي ووفيتي

    الله يهديييييييييييييهم

    ردحذف
  2. هذي الكويت صل على النبي!!

    ديره من يهبون في شي خربوه

    أصلن الحين كل البنات و الشباب نسخة طبق الأصل عن الثاني

    ما قمت أفرق بالمرة!! و سالفة الهبه المتحجبات على هاللبس و الحجاب الشوارفسكي و الماشه يعني مادري ليش متحجبه صراحه!

    و حتى الو متحجبات أزيد بعد و اللي باطه جبدي أكثر شي سالفة الباند مال الهينييبيز اللي بالنص

    يغثني!!!!!!

    ردحذف
  3. أي تصدقين أنا مو باط جبدي إلا محل جاب!! على شنو مسوينه ماركه و متشيحطين فيه؟

    والحين هابين لي في تيشيرتات البولو و البلاك بيري و صار الكل ما يسأل شنو بتشتري أي موبايل الحين.. لأ صارو يسألون "ها البولد ولا الكيرف؟" يعني لازم كلنا بلاك بيري!

    و كل اللي عيبو على البلاك بيري شروه هذا اللي مضحكني بالسالفة

    يعني إذا إنتي هابت لج في شي يديد فنتق إنتي مطلعته و فجأه شفتيه على وحده ثانيه و ثالثه و رابعه و و و...

    قطيه و إنسيه و راحت عليج و حتى لو تنطرين تلبسينه بعدين عقب ما الهبه تروح بيقولون عنج "وييه طالع هذي الهيلقيه توها تهب فيه"

    ديره تغث!! سامحيني على الإشتطاط بس أنا من زمان باطين جبديييييييييييييييي! :@@@@@@@@@@@@

    ردحذف
  4. اهو صحيح في نماذج كثير جذيه لكن مو الكل ..
    بنات الكويت فيه منهم يرفعون الراس ويشرفون ديرتهم
    بلبسهم المحتشم وأخلاقهم العالية :)
    لكن هالفئة اللي طالعين عن القاعدة مخربين على غيرهم
    وصايرين اهم الواجهه العامة لبنات الديرة
    الله يهديهم ان شالله , وللأمام يا بنت الكويت

    ردحذف
  5. ريانة العود


    والله تصدقين يا ريانـة مع نظرة الشباب المقززة
    والمنفرة ,المصيبة البنات أهم يبون جذي

    ويستانسون اذا طيرو عقول الشباب وعيونهم بعد



    الله يهديهم آآآآآآآآميـن
    بصراحة مادري ليمـا وين بيوصلون ؟؟
    مشكــــورة عالتفاعـل حبيبتي

    ردحذف
  6. Momentum

    لاتحريـن قلبـج يامومنـت
    ومحـل gap أساسا يحبونه الأمريكـان
    لأنـه ستايله " اللبس العملي القطنـي +مرتب"
    بس احنا مانصدق خبر وبس بنقلد ولا اهو كلش مو استايلنا


    مشكورة حبيبتي عالتعليق
    سوري اذا فوورت دمج بسبة الموضوع

    ردحذف
  7. iCoNzZz

    كلامـج عـدل :)
    بالعكس في بنات يرفعون الراس من أخلاق وأحتشام
    بس هالعقليه من الناس الي بس بتلفت النظر وتقلد بدون اي عقل وتفكير وماهمها إلا شنو اليديد بهالديره وهووب يالله نقلد !



    شكـرا آيكونـس غاليتــي
    منــورة والله بهالتعليـق

    ردحذف
  8. ياااهلااااااااا والله

    <<< المفروض انتي ترحبين فيني

    ههههههههههههههه

    تعالي شوي

    شفيج حاطه علي بنات الكووويت

    ترا فينا السنع وفينا الجمال وفينا الدلع وفينا الذوق

    سباقين دوووووووووم للكشخه والجمال

    لــكــــن

    لاحظي هالكلمه

    لـــكــــــن

    مو علي حساااب اخلااقنا و تربيتنااااا واشياء ثانيه مهمه في حياااتنا


    يعني خليهم يكشخون ويستانسووون

    دام انهم بحياتهم مو مقصرين فيهاااا

    ورافعين راس ديرتهم

    ترا الكشخه او غيرها ماظنهاااا بتاثر بنظرت الناس لنا

    كثر مواقفنا واخلاااقناااا

    وبعدين حتي بنات الخليج

    اسم الله عليهم وعلينااا

    محد كامل

    شلون تقارنين بيننا

    شدعوووه

    حنا الكويتيات يااغلااااتي

    فديتج بسسسسسس


    << اصلح مدافع في منتخب الكويت ؟؟__؟؟

    ههههههههههههههههههه

    شلونج يااقلبي بسسسس ...؟!!!!



    لي بااكات قويه للمدونه الروووعه

    وصاحبتها الاروووع


    سلاااااااااااااام

    ,^_^,

    ردحذف
  9. اييي و الله و انتي الصاااجه ذبحووناا على هالهوايل الي قام يسونها الصراحه شي مو طبيعي و الله
    ذااك اليوم رايحه المعرض و لا وحده من فوقها في تحتها فسفووري بفسفووري اختي تقوولي امبي عيوني نبطت و انا مو قادره اووخر عيني عنها شي مو طبيعيي
    يعطيييج العاافيه على هالكلمات الحلووه
    و تسللملي انااملج ^^

    ردحذف
  10. صــوت الــمــدامـــع


    يــــاهلا بالزين كلـه ,,وتستاهلين أحـلا ترحيب
    أكيد بنات الكويت ذهب والله خو أحنـا من بطنها :) !

    بس البعض من شبابنا الله يهداهم
    ماهمهم إلا الموضـه والتفرغ لهالتفاهات بالكــــــــامل ولاجنى في شي بهالدنيا مهم غيرها



    وانـا بخير أسأل عنج يالغـلا
    وأحلى ولكم لأحلـى بنت ;)

    ردحذف
  11. *Being One

    نـور البلوق برفيقة دربـي D;
    عــاد الكويتيين ابو الهبّـات
    كل يوم طالعيلنا بشي .. وألحين بالفسفوري


    والله حاله
    شكـــرا

    ردحذف
  12. Well said. There is nothing as beautiful as knowing where you come from, appreciating that, and being able to relate to it.

    Your stance, though, is biased since you should address guys as well and their portrayal of Kuwaiti traditions

    ردحذف
  13. ههههههههههه ضحكتيني على التعليقات

    صاجه ترا واااايد زودوها علابو هبه وموضه يديده
    اتحسين ماكو شغل
    من الفضاوه اللي فيهم والتفاهه .. بس يقلدون على غير معنى .. بس وراهم وراهم بدون لا يدرون هل شكلهم حلوو؟ يفشل؟؟

    اهوا الغالب شكلهم يفشل .. انا وايد اتنح في اشكال واستغرب .. هاذي شلون طلعت من بيتهم! من صجها؟؟ انا استحي الصراحه

    :(

    الحمدالله والشكر :(

    وعيدح مبارك حبوبه .. وكل عام وانتي بخير :*

    ردحذف
  14. لما قريت بوستج حسين جني داثره شوي ههههه مو مع الهبه

    انا الي باط جبدي البلاك بيري ما تلقون بيت مافيه بلاك بيري (الا بيتنه) حتى اليهال عندهم وسألت جم وحده شنو الحلو فيه تقولي جات ومسجات ببلاش !!!!!!!!!!!!!!!!!!!! بس هذا الي هامكم الحين انا ابي اطلع استانس ليش بعد 24 ساعه اسولف مع الاوادم باشياء تافهه

    وناطرين الهبه اليديده الله يستر منها


    مشكوره :)

    ردحذف
  15. كل عام وانتم بخير

    تمنياتي بقضاء عيد سعيد

    ردحذف
  16. إلى أن يقضي الله أمرًا كان مفعولا :)
    عيدكم مبارك، و كل عام و أنتم بخير.

    ردحذف
  17. ** كل عام وانتي بخير و عيدج مبارك

    ردحذف
  18. صح السانج .. بس هل من مجييب يابنات الكويت !!


    عيدكم مبارك وكل عام ونتو بخير وصحه وسلامه :)

    ردحذف
  19. غير معرف

    أكيـد ,ولو تلاحظ بالموضوع كتبت ملاحظـة أنه المقصد من البوسـت أهو الخصوص من الشباب وليس العموم
    وشباب الكويت أكيد متمسكين بعاداتهم وتقاليدهم
    بس تضل فئة كبيرة منهم والغالبـة ربع الهبات والتقليـد

    وهالفئة تشمل الطرفين من شباب وبنات
    شكـــرا ع المرور

    ردحذف
  20. Fishah

    أيـامج سعيده يالغاليـة .. مختفيه كلش هالايام ,غاطـه
    شكلج لاهيه بتجهيزات العيد ;)

    في ناس الله يهداهم مادري من وين طالعين
    من لبس وستايل وغيره والله الواحـد يستحي يقول هذيل كويتيين,إلا اجانب مقعده


    والله ياريت نتقيد باللبــس الشرعي
    ومانطلع عن الحدود
    مشكــورة

    ردحذف
  21. شاي الضحى

    لاماغبرتـي ولاشي !
    بـس أحنـا الي اليوم والثانـي طالعلينـا بستايل يديد وهبه يديده
    الواحـد ماصار يلحق


    أنتي المشكــورة عالمــرور

    ردحذف
  22. اقصوصه


    وأنتـي بخييير وصحه وسلامـه :)
    شكـرا على التهنئة

    ردحذف
  23. Safeed

    انا مادري ليما وين احنا بنوصل وشنو راح يصير بهالديرة :)؟
    وأيامكم سعيده

    ردحذف
  24. ميمة السبيت

    وأنتي بصحـه وسعادة آميــن
    مشكورة حبيبتــي عالتبيرك

    ردحذف
  25. fatto

    والله شكله عمـك أصمااااا خ!
    وأنتـي بخيــر حبيبتـي ..مشكورة

    ردحذف
  26. تبين الصج انا في قطر واشوف التلفزيون وكله افكر ان بنات الكويت كلهم جذي بس قالوا لي لا ان في بنات محتشمات والله يستر عليهم وهذولا صاروا الواجهة من اللي يسوونه في عمرهم الله يهديهم ان شاءالله
    بس فعلا اوفر وايد ومعطين صورة ان الكويت كلها جذي

    وحركة الحزام اللي بالراس هذ عجيبة :) يعني صج في جذي ؟ لحين ماوصلتنا الموضه اكيد بتوصل قريب

    يعطيج العافيه وعيدج مبارك

    ردحذف
  27. Twinkle

    أيامج سعيده حبيبتي :)
    تعالي الكويت وشوفـي بناتنا وداعِياتنا ومُحاضِراتنا
    كـل وحده أفهم من الثانيه وملتزمـة أكثر من الثانيه
    ديـن عالـي ,,وأخـلاق قمـه ,,وثقافه
    وفـي منه المتبوشة والمتنقبه والمحتشمه


    ولااااابـد لابـــد كل ديره وفيها الجانبيبن من الزين والشين
    وكـل الدول بدون ذكر فيهـا الجانب الصاخـب والجانب الملتزم


    أدري كليتج بعد عمري وأنتي ماقلتي شي غلط
    بس أنـا بهالبوست طلّعت جانب وفئة من الكويتتين
    وكل ديـره ترى فيها وفيها مو بس الكوييت


    يعكيـج العافيـه وسامحينا اذا ثقلت بالحجي
    بس حبيت أوظح هالنقطه وشكــرا :**

    ردحذف
  28. اي والله صح كلامج

    ماكو شي ماقلدووه

    وخل وحده تسوي شي كلهم قلدوها وياريت شي سنع

    صج صج ماخلوشي

    مادري لي متى

    حلات البنت ابساطتها و ابطبيعتها

    مااقول الله الله يهديهم

    وتشكرااات خيتووو

    ردحذف
  29. وحــدهـ من البشــر


    صدقتـي والله !!
    شاكرتلــج مروورج ومشاركتـج :)

    ردحذف
  30. عيدج مبارك يالغالية
    و تقبل الله طاعتج

    عجبني البوست وايد

    يعطيج العافية

    ردحذف
  31. الله يهديهم شنقول بعد
    انا لما اروح أي مكان قمت مااشوف لان اذا شفت بعلق واذا علقت باخذ اثم واحنا مو ناقصين :)

    ردحذف
  32. الله يهديهم ويصلحهم ومشكورة ذا ون علي هالاهتمام ولا في ناس مو هامة شي

    ردحذف
  33. اي والله معااج حق

    الي صاير كلش ما يرضي الله ولا رسوله

    الرسول يقول ولا تشبهوا باليهود ..

    وهذول ما في شي ما قلدوا اليهود فيه ..

    ردحذف
  34. bhr.qadsaweya

    يفرحني حضورج والله
    ومشكورة على المرور

    ردحذف
  35. Made n Q8

    هههههههه

    شر البلية مايضحك

    أي والله صاجـه

    بس المشكله اهم ايبوون التعليقات حق نفسهم
    ويسوون روحهم مهرجه وسبهلله

    مشكورة عالتواجد ,,ماقصرتي

    ردحذف
  36. Sweet Revenge

    حبيبتي انتي :)
    ماسوينـا شي ,, هذي مجرد فضفضه من الظيم والظلايم من الي نشوفـه من تبدع وغيره


    شكــراشكـراااا

    ردحذف
  37. بانوراما


    الله يهديهــم ويهدي الجميع ان شاءالله
    شكــرا ماقصرتـوو

    ردحذف